Еурофарм со донација за 100 новороденчиња во општина Центар

Во новото општинско основно училиште „Киро Глигоров“, градоначалникот на Општина Центар, Саша Богдановиќ, ги подели решенијата за еднократна парична помош за новороденче во висина од 7000 денари на 100 семејства од општината.

Општина Центар редовно ги доделува овие средства, на новороденчиња чии родители се жители на општината, а од оваа година општината остварува соработка со општествено одговорни компании и здруженија, кои на овие семејства, покрај општинската помош, им донираат и пакет производи и услуги.

Ова е трет пат годинава на доделување на парична помош за новороденчиња, а дел од акцијата е и нашата компанија „Еурофарм“ која додели вредносни ваучери за новите 100 новороденчиња од оваа општина.